ہم پاکستان کے لئے ہر حد کراس کر سکتے ہیں آپ کے اندر تین چیزیں ہونی چاہئیں۔۔۔راحیل شریف نے پاکستانی نوجوانوں کو بڑا پیغام دے دیا
اسلام آباد(خصوصی رپورٹ) پاک فوج کے سربراہ جنرل راحیل شریف نے نوجوانوں سے خطاب کرتے ہوئے کہا کہ پاکستان آرمی کا دنیا میں کوئی ثانی نہیں ہے۔ انہوں نے مزید کہا کہ چاہے مودی ہو، را ہو یا کوئی بھی ہومیں آپ کو یقین سے بتا سکتا ہوں کہ پاکستان کی سرحدوں کو کوئی خطرہ نہیں ہے کیونکہ سرحدوں کی حفاظت پر پاکستان آرمی کھڑی ہے ہم اپنے دشمن کی چالوں کو اچھے طریقے سے سمجھ چکے ہیں اور ان کا توڑ کریں گے۔ ہم وطن کے دفاع میں کوئی دقیقہ فروگزاشت نہیں کریں گے وطن کے دفا ع کے لئے ہر حد تک جائیں گے بلکہ ہر حد کراس بھی کریں گے۔
راحیل شریف نے ایک تقریب سے خطاب کرتے ہوئے نوجوانوں کی تعریف کرتے ہوئے کہا کہ ہمارے ملک کے نوجوانوں میں بہت زیادہ پوٹینشل ہے ، اپنے ٹیلنٹ کو آگے لے کر چلیں اور پیچھے مڑ کر کبھی نہ دیکھیں۔ آپ نے کہا کہ میں ہمیشہ تین سی (c’s) پر زور دیتا ہوں کہ ان کو اپنے ذہن میں رکھیں اور ان کو اپنے ساتھ لے کر چلیں ۔
کریکٹر، کریج اور کمپیٹنس
جنرل راحیل شریف نے نوجوانوں کو مخاطب کرتے ہوئے نصیحت کی کہ آپ کا کردار بے داغ ہونا چاہئے ، آپ میں کریج یعنی جرات ، حوصلہ اور ہمت ہونی چاہئے ، انہوں نےکہا کہ جسمانی ہمت اور طاقت کی ضرور نہیں ہے اس کے لئےہم یونیفارم میں بہت لوگ ہیں آپ لوگوں کو ذہنی اور اخلاقی ہمت اور جرات ہونی چاہیے آپ کو سچ سے کسی صورت بھی پیچھے نہیں ہٹنا چاہئے اور ملک کے لئے جرات کے ساتھ اپنا موقف سب کے سامنے پیش کرنے کی ہمت بھی ہونی چاہئے ، تیسری بات آپ میں کمپیٹنس یعنی مہارت ہونی چاہئے تاکہ لوگ آپ سے مشورہ اور مدد طلب کریں اس سلسلے میں آپ کا کردار مثالی ہونا چاہئے ، لوگوں کو کبھی بھی آپ سے مشورہ لیتے ہوئے جھجھک نہیں ہونی چاہیے، آپ اس بات کو یقینی بنائیں کہ لوگ آپ سے مشورہ لیں اور آپ ان کو صحیح مشورہ دینے کے قابل ہوں ۔
Comments
Post a Comment